Poete vor Landstrass

Zäh Jahr Rock n' Roll

zäh Jahr zämehalt

e längi Zyt e churzi Sach

mir sy Fründe jedesmal

bruche nid jede Abe zäme z' si

hange chli alli irgendwo

Entwicklige passiere halt

d' Musig blibt o nid lenger stah

chöi ganz guet ohni wemer Krise hei

chöi aber nid ohni üs

s'het bis jetz nume eine gschafft

dä magisch Bann z' verla

s' git Lüt die rede vore Religion

anderi prostituiere sich derfür

s' isch d' Erfüllig vomene tägleche Troum

weme ir Schwingig schwäbe cha

E schöni Droge wo zwar süchtig macht

wemese nimmt aber erfüllt

mi treit uf d' Lengi keni Schäde dervo

nume es glücklechs Gfüehl im Buch

mal meh mal Pouse oder Vollgastour

s' isch immer irgendöper drann

dere Gilde chli e stupf iz Arsch

d' Wält wett meh vo üsem Beat

Symer alli so verschideni Lüt

u doch hei mir der ggT

z'  kgV vor Zyt i üsere Wält

isch d' Musig nid der Schlüssel derzue

wär weiss wo mir i 10 Jahr blibe sy

wes so witergeit mit üs

chunt der Durchbruch vo däm Isch

oder rede mir anenang verby

gwüssi Mensche bruche äbe lenger Zyt

we Qualität im Zentrum steit

mir maches aber ohni z' Teste

u Controlling das gits nid

jede Betrieb brucht doch e Chef

mi meints, nume mir hei das nid

si mal chli hässig oder Hyppograf

der gmeinsam Nenner blibt de scho

drum liebi Lüt s' git kes Ziel ke Plan

s' git eifach üs u das wos het

freuet euch a üsem Spass

aber vergässets mit Stil nach Mass

was macht de bebe füre Sound

isch d' Frag, beantworte chames nid

mir mache was mer mache wei

es Hobby het mängisch ke Plan

u glich sy mir e chli seriöser worde

ussert der Sumi simer brav

keni Rocker usem Bilderbuech

haut meh Poete vor Landstrass

vom Micha für bene zum 10 jährige Geburi!